abc-abcabcabc
abc
6 個月
美白皮膚推薦
美白皮膚推薦

試過好多護膚品都唔work? 睇好多廣告介紹好多美白產品,身邊d朋友話好用自己又唔覺? 係咪試過有d護膚品一開始用效果好明顯,用用下又好似冇效咁? 呢d問題所有人都會試過! 就等我逐一同大家講下當中既原因啦~

首先,護膚品只要放落塊面到冇敏感個樣野已經等於適合你。真正對皮膚冇傷害又可以改善膚質既產品從來都唔係用完即刻見效,因為不含化學成份既護膚大多數使用既天然原材料都係由皮膚底層開始慢慢養食好膚質。

廣告中既美白產品係咪就等於好用呢? 呢樣我相信大家都分得清楚,將資源放落廣告到既產品既價格都絕對唔會平。身邊既朋友覺得好用但自己又唔覺,最大既原因係: 你地既膚質係有分別,就好似你肥佢瘦咁,都唔會著同一個size既衫。

點解會有d護膚品一開始用好快睇到效果,之後愈用愈無感? 因為皮膚狀況係有彈性既。就好似唔同既季節同天氣,皮膚都會有唔同既變化,而所使用既護膚產品都唔同。就好似我咁,屋企永遠都要開兩支唔同既洗面奶分別係早晚用。朝早面上有前一晚使用既護膚品連同整晚依附住既塵/細菌,皮膚上會分泌油脂, 所以我會使用「去油脂」及較乾爽既洗面奶; 夜晚則會使用較滋潤既洗面奶。

係我經歷過咁多次護膚失敗(用完產品爆瘡爆暗粒/用完產品皮膚仲乾左/用完皮膚敏感)之後,我發現使用成分愈簡單愈天然既護膚品係會減少出現以上問題既情況!

貼心建議: 定期去美容院做一次深層清潔+在家每日護膚,情況一定有改善~ 知道美容院未開返,所以都介紹d自己用開成分天然d既護膚品俾大家!

1. Alteya Organic潔面乳
2. Alteya Organic爽膚水
3. MUKTI磨砂霜
4. FLORAME睡蓮保濕精華
5. Natural Soap永久花面霜
6. 自研美多效凍膜

另外我想介紹返我去開既幾間美容院,(有d療程某d美容院冇,所以就會去幾間)(非廣告,所介紹既美容院都唔係同一個集團哈哈)

1. bora beauty
- 皮秒去斑同去暗瘡印,成個過程好快手, 一曬到出斑就去做。(已經幫襯左3年, 其實我3年前買12次plan都仲未用哂, 都係用左8次左右)
- 深層清潔bellasonic, 呢個療程我一個月會做一次, 再加埋自己係屋企護膚,暗瘡印都淡左好多

2. Yanis Beauty
-755激光脫毛, 呢間美容院本身係同事介紹話佢唔hardsell又好平。不過部機應該唔係最勁, 脫得比較慢但有效果。(依家同同事每個月有一日一齊放工去脫毛, 都幾搞笑~)

3. Skin & beam
-透明質酸下巴打針,我本來3個月打一次針。其實我下巴唔大問題,只係想影相靚D所以要整尖少少,暫時打過5次冇咩問題。(停業左差唔多3個月, 已經吸收哂D透明質酸啦唉!)

P.S. 以上都係自己個人立場同意見,並非專業。

like icon
5 喜歡
comment icon
留言 (2)
Share Icon
分享